محمد غنيم: "الطالب اللى يشيل مواد لازم يدفع تمن تعليمه"

الأحد، 19 ديسمبر 2021 12:33 ص
الدكتور محمد غنيم

رامى محيى الدين

تساءل العالم الكبير الدكتور محمد غنيم قائلا، "مين اللى هيدرس البرامج الجديدة إحنا بنتعاون مع الجامعات الدولية واللى هينفذ المناهج والبرامج الجديدة هما أساتذة الجامعات الحكومية والجامعات الحكومية دخلتها جرثومة التعليم الخاص اسمها البرامج الخاصة أو النظم الخاصة".

وأضاف خلال لقائه بالإعلامية لميس الحديدى ببرنامج كلمة أخيرة : الأساس التعليم مجانى والقبول وفق معايير في الجامعات والطالب لازم يعرف إن تعليمه في الجامعة من عرق دافعى الضرائب ولازم يحافظ على تفوقه والتزامه، لكن اللى شايل مواد وطالع لازم يدفع، واللى حصل على التعليم خارج الثانوية العامة ده لازم يدفع، وأعتقد أن ده يحقق نوعا من العدالة والأصل الانتقاء من خريجى الثانوية العامة على أسس تفوقهم ومن لا ينتبه يدفع".

وأكمل: ماليش دعوة بأمريكا وبريطانيا ليا دعوة بشمال أوروبا وألمانيا وفرنسا، وماوسى تونج قال كلمة تنسحب على كل الطرق، طارق شوقى قال ادرسوا الماركسية كثيرا وادرسوا الصين أكثر، لازم نشوف وضعنا ايه؟، ولا نترك الجامعات الحكومية في حالة تراجع وتراخى.

وتابع: إذا كنا عاوزين الجامعات تعود إلى مسارها الصحيح الإضافة والابتكار لابد من تعديل أجور هيئة التدريس كلها مشاكل مدارس التعليم من الابتدائى للثانوى للجامعة، ولابد من تفرغ أستاذ الجامعة ومحاسبته وجامعة هارفارد بتاخد الأساتذة عن طريق الإعلان ومش مهم جاى منين ويعمل اختبارات وياخدوا الأفضل ولو اتنين تساووا بياخدوا الأصغر سنا.

Comments

Popular posts from this blog

The paintings from Minecraft were first real paintings.

30+ Hilariously Relatable Illustrations About The Struggles Of Raising A Baby

ماذا يحدث بجسمك عند تناول الحلاوة بالشطة؟