رواية علاقه محرمه كاملة الفصول بقلم كوكي سامح

انا فى كارثه يوم حنه بنتى اكتشفت مصېبه الناس كانت فرحانه والاغانى شغاله والكل بيرقص ومبسوط وانا عينى على بنتى بودعها علشان هتروح على بيت عريسها وهى كانت بترقص وفرحانه وفجأه لمحت بنتى الكبيره ولاء المتجوزه بتشاور لعريس اختها وفعلا دخلت الشقه
وهو دخل وراها وانا خدت بعضى ودخلت وراهم لأن كانت نظراتهم غريبه وسمعت المصېبه ولاء بتقول لمحمد خلاص هتسبنى وهتجوزها لالا ومحمد بيقولها انا هتجوزها اسم بس إنما انتى اللى فالقلب يا ولاء مقدرتش امسك دموعى وقولت يادى المصېبه بنت عمرى تخون اختها اللى ملهاش غيرها انا الام المغلوب على أمرها جوزى ماټ
وساب فى رقبتى بنتين وولد ولاء ودعاء وأحمد علمتهم احسن تعليم بس اكيد مش ده جزائى انى اټصدم فى بنتى غير الڤضيحه وغير كسر قلب اختها طيب هعمل ايه دلوقت ويا ترى العلاقه بينهم ايه وفضلت افكر وخدتنى دوامه التفكير وبقيت اندب حظى ليه يا بنت عمرى تعملى كده وقولت لازم اتكلم مع ولاء واعرف ايه حكايتها مع خطيب اختها وانا واقفه سرحانه ببص ملقتش قدامى غير دعاء وكانت يا حبيبتى فرحانه وبتقولى فى ايه يا ماما مالك
واقفه ليه وسألتنى كذا مره والله مكنتش عارفه ارد وارتبكت ودعاء لاحظت عليه وقالت ماما ردى عليه سبتها ومشيت وخرجت بره الحنه اراقب الجو وابتديت اراقب نظرات ولاء ومحمد والاتنين ولاقيت محمد قام رقص مع ولاء وخرجت دعاء وقالت ماما ماما انتى سبتينى ومش بتردى عليه ليه ولما بصت شافت ولاء بترقص مع محمد بس دعاء نضيفه من جوه فرحت اوى وقعدت تسقف ورقصوا مع بعض ولما دعاء راحت ترقص معاهم الغيره دبت فى قلب ولاء وانا عارفه بنتى مجنونه وتعمل اى
حاجه لاقيتها دخلت الشقه وانا جريت وراها ما انا لازم اتكلم معاها لاقيتها مڼهاره جوه الشقه بنتى خاينه وبتخون اختها انا تعبت ومش عارفه اعمل ايه انا ام واب فى نفس الوقت بس لازم اتصرف مسكت راس ولاء وقولتلها ارفعى راسك مالك بتعيطى ليه رددت بكل حزن انا زعلانه ع جواز اختى يا ماما خاېفه عليها دى لسه صغيره على المسؤوليه
دى قولتلها ايه غيرانه بس ولاء برقت اوى بعنيها اصل ولاء عنيها واسعه وحلوه وقالت غيرانه من ايه يا ماما
الام خاېفه ع اختك ولا غيرانه يا بنتى
ولاء غيرانه ليه مش فاهمه انا متجوزه وحامل يعنى مش ناقصنى حاجه
الام ياريت تعملى حساب لجوزك وابنك الجاى
ولاء ماما نفسى اتكلم معاكى بصراحه انا تعبانه
الام الحمل تعبك وانا بكلم نفسى فى سرى ياريت تحكيلى يا بنتى علشان ارتاح وافهم كل حاجه
ولاء ماما انا تعبانه نادر جوزى مش جمبى سنه مسافر ومش هيرجع الا بعد 3 سنين والله تعبت وكمان جدد العقد انا زهقت يا ماما
الام دى حياتك وانتى اخترتيها ايه اللى جد وطبعا الام نفسها أن ولاء تفضفض وتحكى ع كل حاجه
تليفون ولاء رن وولاء بصت بذهول وفرحت اوى ورددت بسرعه وفى خباثه ودخلت المطبخ وطبعا متعرفش أن أمها عارفه حاجه او ملاحظه حاجه والام دخلت تتسحب وراها وسمعت ولاء بتقول
محمد حبيبى انت بتكلم جد انت بتحبنى اوى كده معقول مهنتش عليك ومهانش عليك ابنك اللى بطنى هستناك النهارده يعنى هتكون فى حضنى
الام ابنه اللى فى بطنها !!!!!!!! انا لازم اروح وراها شقتها
لازم اروح وراها الشقه وقفت لحظه افكر كده بيوت بناتى بتتخرب ولاء هتفضحنا وغير لما جوزها يعرف ومحمد ده لازم يخرج من حياتنا يا زمن هى الدنيا اتخربت ولا ايه الاخت تخون اختها ومين بناتى اللى ربتهم احسن تربيه وولاء بتكلم محمد فالتليفون ومع دوشه الحنه والاغانى
كانت فاكره انى محدش واخد باله ومتعرفش أن أمها عارفه حاجه وخرجت من المطبخ ولاقت امها واقفه
ولاء ماما انا بحسبك خرجتى بره الحنه اكيد الناس عاوزاكى وكده احنا سايبين العروسه لوحدها
الام بتحبيها
ولاء نعم يا ماما
الام ما تردى
ولاء سؤال المفروض ميتسألش اه اكيد بحبها
الام قالت فى سرها اه يا بنت بطنى لو سألتك هتكدبى عليه بس لازم افضح الۏسخ اللى لعب فى دماغك وخلاكى تخونى اختك
الام ولاء لما نادر جوزك جدد العقد 3 سنين وايه يفرق معاكى ما انتى بتروحى فالصيف ولسه راجعه من شهرين
ولاء يا ماما انا لوحدى نفسى يكون معايا
الام معاكى احنا كلنا معاكى خلاص تعالى اختك هتجوز وهتسبنى لوحدى تعالى اققعدى معانا
الام قالت فى سرها يارب اعمل ايه دى بتقول اللى فى بطنها منه طيب ازاى هيتجوز اختها ده بكره كتب الكتاب فالقاعه والډخله الجوازه دى باطل وانا لازم اتصرف
ولاء شاورت يايدها ع وش امها وقالت وهى بتضحك ماما يا قمر بتفكرى فى ايه بس
الام يا مخلف البنات يا شايل الهم الممات
ولاء بعد الشړ عليكى يا ست الكل
الام تعالى نخرج
بره نهيص شويه مع اختك وخطيبها مع انى مش مرتاحه
ولاء ليه يا ماما وبكل خباثه قالت ده محمد بيعشق التراب اللى بتمشى عليه دعاء ربنا يكمل لهم ع خير
الام اه اه يلا تعالى نخرج بره
وفعلا خدت ولاء وخرجت الحنه ولاقت دعاء واقفه مع محمد وبيضحكوا وبيرقصوا وكانوا مبسوطين والام قالت فى سرها منك لله يا محمد هتفرق بين الاختين اللى ربتهم وتعبت وشقيت عليهم ... بس بردوا العيب مش عليه لوحده ولاء كمان لازم تتحاسب وانا هتصرف
والوقت ابتدى يتأخر والناس ابتدت تمشى من الحنه واول ما الساعه دقت 12 وموسيقى ال دى چى وقفت ولاء قالت لأمها
ولاء ماما انا همشى انا بقى اروح شقتى
دعاء تمشى ازاى يا بنتى لا انتى اققعدى معانا اومال مين هيجى معايا الصبح البيوتى سنتر مين هيكون جمبى ومعايا ولاء انتى مش هتعملى زى الاخوات وتشيلى فستان فرحى ونمشى جمب بعض وتعدلى ع الميك اب بتاعى وتفرحى معايا ودموعك تنزل وانا خارجه من البيت الصبح
ولاء ايه يا بنتى هتمثلى هههههه انا هكون موجوده الصبح عندك وهمشى معاكى بس المشكله وطبعا بتكلم وفى عينها خباثه مشكلتى انا نسيت فستاتى فالبيت الصبح هكون عندك انا همشى بقى الوقت أتأخر
الام قالت فى سرها فستانك ماشى يا ولاء انا هتصرف معاكى وان شالله لو احطلك السم فالأكل ولا انك تفضحينا
الام طيب خلى احمد اخوكى يوصلك
دعاء لا اقعدى معانا محتاجلك جمبى النهارده يا بت اقعدى انا حاسه انى هعيط
الام قالت فى سرها انتى مظلومه يا بنتى وان شاء الله انا هحلها وحيات قلبك النضيف ده مش هوجعك ابدا
محمد دودو حبيبتى وحماتى وولاء متجمعين فى حاجه الحنه خلصت خلاص ومسك ايد دعاء وجه يبوسها
الام سيب أيدها بلاش تبوسها
محمد ههههههههههه دى مراتى يا حماتى
الام لسه بكره بعد كتب الكتاب
دعاء ماما فى حاجه مالك يا حبيبتى ولا زعلانه عليه ولا غيرانه بقى
الام هتفضلوا انتى وأخواتك صغيرين فى نظرى
مكبرتوش ابدا حبيبتى ربنا يقربلك اللى فى الخير
دعاء يارب يا ماما
محمد هو فى حاجه بجد
الام قالت فى سرها اسكت انت يا خړاب البيوت
الام مفيش يلا اتفضل ع بيتك روح يلا ونام بدرى
محمد حاضر
دعاء حبيبى بكره تكون عندى على الساعه 7 علشان نعمل فوتسيشن ونخلص كل حاجه وربنا يبارك لنا علشان نكون فالقاعه ع 9 يا استاذ مش عاوزين نضيع اى دقيقه اليوم يومنا هى ليله فالعمر يا استاذ واحلى ليله
ولاء هههه كلنا قولنا كده وندمنا فالاخر يلا يا محمد روح انت اصلها بتحب تتكلم كتير
دعاء استغربت من كلام ولاء وأسلوبها بس سكتت
محمد استأذن انا بقى
وفعلا مشى
ولاء انا ماشيه بقى وابنك احمد شكله مشغول مع أصحابه وابتدت تبعد ونفذت اللى فى دماغها أنها تمشى لوحدها وقالت الصبح هكون موجوده بدرى تصبحوا ع خير
دعاء ماما انتى فاهمه حاجه مالها ولاء شكلها غريب
الام بعدين !! بقولك ادخلى جوه انا هروح الحق ولاء نسيت فلوسها معايا وخدت بعضها وجريت ع شقه ولاء
دعاء انا هدخل اظبط الشقه الدنيا متبهدله ع الآخر
ولاء اتصلت بمحمد وقالت اسبقنى وهات معاك اى أكل انا مكنتش عامله حسابى ع اننا نشوف بعض النهارده يا حبيبى وقفلت معاه
والام راحت ع شقه ولاء
دعاء دخلت تظبط الشقه اول لما دخلت لاقت فستان ولاء وكان بكيسه ع كنبه الانتريه وقالت ايه ده فستان ولاء !!!
اومال بتقول نسيته ليه !! وبتكدب ليه هو فى ايه بالظبط ومسكت الفون واتصلت ب ولاء وقالت .
ودعاء دخلت تظبط الشقه لاقت فستان ولاء ع كنبه الانتريه وبكيسه وقالت ايه ده ! الفستان اهو اومال ولاء بتقول نسيته ليه .. وليه بتكدب ودعاء اتصلت ب ولاء واول ما رددت ولاء قالت فى ايه يا دودو حبيبتى انا مشغوله بشترى شويه حاجات دلوقتى شويه وكلمينى ولا اقولك يا بنتى انا جايه الصبح
دعاء الفستان هنا يا ولاء هو فى ايه ممكن افهم مالك ما تردى عليه ساكته هه ولا انتى مش عاوزه تقعدى معايا
ولاء يا بنتى لا مش كده خالص انا غيرت الفستان واشتريت فستان تانى إنما ايه تحفه
دعاء بجد طيب يا حبيبتى هستناكى الصبح ان شاء الله
ولاء تصبحى ع خير وقفلت السكه وكانت مستعجله وجريت ع شقتها علشان تسبق محمد ع هناك وطبعا ولاء معندهاش فكره ان مامتها عارفه حاجه
ومحمد اتحرك واشترى حاجات من سوبر ماركت لوازم السهره مع حبيبت القلب ومحمد وصل الشقه قبل ولاء وكان معاه مفتاح ودخل الشقه وقعد ع كرسى الانتريه وقام دخل المطبخ وابتدى يجهز مفجأه ل ولاء
والام فالطريق وبتكلم نفسها وبتقول يا خيبه املى فى بنت عمرى هنتفضح لازم اتصرف ولازم اعرف
الۏسخ ده مقامه وأخرجه بره حياتنا خالص أما بنتى انا هتصرف معاها ودعاء ربنا هيعوض عليها يا حبيبتى يا بنتى والتفكير شاغل دماغها وفى نفس الوقت ولاء قربت توصل البيت واول ما وصلت
طلعت جرى وفتحت الباب ولاقت النور مقفول وقالت ايه ده هو محمد لسه مجاش ياااااه لما ادخل اغير هدومى ودخلت اوضه النوم وفتحت الدولاب وقالت لازم اللبس اشيك قميص عندى وعوزاه مغرى كده ومسكت قمصان النوم وقالت هو ده انا بحب القميص الابيض ده وقالت مع أن محمد بيحب
الاسود بس هلبس الابيض علشان بحس بأنوثتى فيه وفعلا لبسته وكان زى القمر وفضلت تغنى وخرجت لاقت النور مفتوح واتخضت وقالت مين هنا محمد محمد انت جيت يا حبيبى وجريت ع المطبخ ولاقت محمد واقف وبيقولها مفجأه صح راحت اترمت فى حضنه وهو شالها وفضل يلف بيها الشقه وهى فرحانه ومبسوطه وقعد ت كنبه الانتريه وهى قعدت ع رجله بقلم كوكى سامح
محمد بحبك ومليش غيرك
ولاء وانا كمان انت خدتنى من الدنيا كلها وفضلت تبوس فى جسمه
محمد عارفه من يوم ما شوفتك وانا قولت ياريتك مش متجوزه ياريتك تكونى مراتى
ولاء ياريت يا حبيبى عارف نادر جوزى ده مالوش لازمه لما كنت عنده من شهرين حتى مقالش كلمه حلوه
محمد شششششش مش عاوز سيرته دلوقت يا قلب حبيبك وقرب منها وحضنها وقالها مش هناكل مع انى جعان حب
ولاء وانا جعانه حب وحضنك وكلك ع بعضك وقامت ومسكت محمد من أيده وقالت يلا شلنى ومحمد شالها ودخل بيها ع اوضه النوم ونيمها ع السرير ونام فى حضنها
والام وصلت ع باب العماره وجالها تليفون وبصت واټفزعت ورددت وخلصت المكالمه وقالت يادى المصېبه وطلعت جرى
واتسمرت ع باب شقه ولاء وخبطت وكانت مرتبكه وقالت انا معايا مفتاح وفتحت ولاقت اگل جاهز ع السفره وروب ولاء بنتها مرمى ع كنبه الانتريه وجريت ع اوضه النوم وفتحت الباب ولاقت ولاء ومحمد فى حضن بعض وقالت .....
والام فتحت باب اوضه النوم ودخلت وقالت ايه ده يا نهار اسود ومنيل ايه اللى انا شيفاه ده خطيب بنتى وهيبقى جوزها بكره وفى أحضان بنتى المتجوزه يادى المصېبه السوده وفضلت ټضرب محمد ع وشه بالقلم وقالت كله منك يا ۏسخ ضحكت ع عقل بنتى وخربت بيت بناتى وقربت من ولاء وقالت لها استرى نفسك يا هانم انا مش طايقه اشوفك بالمنظر ده يا زباله يا حقيره انتى مش بنتى ولا اعرفك انا متبريه منك ليوم الدين كسرتى قلبى ووجعتينى
محمد ابوس ايدك يا حماتى بلاش دعاء تعرف حاجه انا بحبها
الام هههههههه هههههههه بتحبها لا مسكين وصعبت عليه
محمد اه بحبها والله انا مضحكتش ع عقل ولاء ولا غصبتها ع حاجه هى اللى ....!
الام اللى ايه
محمد خلتنى افكر فيها والشيطان ضحك ع عقلى
الام الشيطان ضحك ع ايه انت الشيطان نفسه
محمد صدقينى يا ماما
الام بلاش الكلمه دى انت مش ابنى انا ابنى اشرف منك ههههه سامعه يا ست ولاء الاستاذ بيحب دعاء وكمان انتى ضحكتى ع عقله ما تردى ولا خرستى خلاص
ولاء بكل خبث رقعت ضحكه طويله عريضه وقالت ههههه مش جيباه من بره ولا تحبى افكرك
الام تفكرينى بأيه !
ولاء فاكره لما بابا تعب وانا كنت صغيره فاكره ولا افكرك
الام فاكره ايه فكرينى يا بنت بطنى
ولاء بس كده من عنيه راحت ولاء فتحت الدولاب وطلعت منه سلسله مفاتيح فضه وكانت قديمه اوى وشكلها واضح حتى موضتها قديمه وقالت شوفى كده الميدليه دى بصى كويس مش بتفكرك بحاجه
الام هه ارتبكت اوى وبان ع وشها الزعر وقالت معرفهاش ولا عمرى شوفتها واسكتى خالص
ولاء مسكت ايد امها وقالت لا افتكرى وبصى فى وشى اوى انا زيك بالظبط لسه مفتكرتيش خلاص هقولك دى ميدليه عمى اللى ماټ مسمۏم فكراه
الام اسكتى بقولك اسكتى
ولاء لاء مش هسكت ههه خاېفه اوى كده طيب محمد بقى مش غريب وهيتجوز دعاء وكمان علاقته مش هتتغير معايا وانتى هتبقى عارفه وكمان اى ميعاد ما بنا مش هخبيه عليكى يا ماما يا ست الكل يا بريئه
الام اڼهارت وقربت من ولاء وضړبتها بالقلم وقالت اخرسى انتى مش بنتى انتى شيطان
ولاء شيطان زيك
الام اسكتى بقولك اسكتى
محمد هو فى ايه ارجوكى يا حماتى لازم الفرح يتم
ولاء أمشى انت يا محمد دلوقتى وبكره فرحك
الام يمشى فين وانا بقولك الفرح مش هيتم دعاء انضف منك وانا مش هخليها تتجوز الۏسخ ده
ولاء ماما سبيه يمشى
محمد لابس هدومه وجرى ومشى وكان انسان جبان سبهم ومشى بقلم كوكى سامح
ولاء اهو العزول مشى تحبى نتكلم اه صحيح واحكيلك قصه الميداليه ولا ايه
الام هو انت فاكره نفسك هتمسكى عليه ذله يا بنت بطنى ده انا امۏتك بأيدى ولا انك تتحكمى فيه فاهمه
ولاء همست بصوتها ودموعها نازله وقالت فاكره لما كان عندى 13 سنه واخواتى كانوا صغيرين
انا اللى كنت أدرك فيهم كل حاجه كله متخزن يا ست الكل بابا كان تعبان ورقد فالفراش ومبقاش يتحرك وانتى يا عينى عليكى كنتى لسه صغيره وفى عز شبابك وكمان بتخدمى راجل مريض وكمان اكبر منك ب 20 سنه والحمد لله أنه خلفنا مش ده كلامك بابا تعب فى وقتها اوى وكان عمى بيجى
عندنا كتير وكان من سنك وفى يوم سمعته بيقولك انتى صغيره ع الهم ده انتى حلوه وجميله ازاى عايشه كده وطبعا انا فى وقته مفهمتش بس عقلى خزن عارفه بس فهمت ايه دلوقت أنه ۏسخ زى محمد بالظبط ويمكن اۏسخ منه كمان لما يعمل علاقه مع مرات اخوه المړيض تحبى اكمل
الام بصوت ضعيف لا متكمليش بس انا كنت صغيره وغلط وربتكم احسن تربيه وعشت عليكم وع ذكرى ابوكم بقيه عمرى
ولاء ردت وقالت اه بعد ايه بعد ما قتلتيه ...
ولاء قالت لأمها اه ربتينا وعشتى علينا بعد ما قتلتيه ومسكت الميداليه الفضه وقالت فاكره الميداليه دى ولا مش فاكره شكلك كده مش فاكره .. يبقى افكرك أنا يا عينى عليك يا بابا المړض اشتد عليه وكان بيتعذب ويتألم وانتى دخلتى عليه وفضلتى تحسسيه انك خدامه لي
ومستحمله مرضه ومظلومه معاه وهو يا عينى يرد عليكى بصوت ضعيف ومكسور ويقولك أنه هيعوضك وهيبقى كويس وانتى قرفانه وتتنفخى فى وشه كل شويه منه وانا كنت اقف ورا الباب وأشوف جبروتك وقوتك واخزن جوايا اكتر وبابا يصعب عليه بس مكانش بإيدى حاجه لحد ما جه اليوم المشؤم
الام مسكت ولاء من هدومها وقالت اسكتى يا بنت بطنى ايه هو انتى بنت حرام
ولاء ههههههههههه يا عالم ما اللى زيك يعملها
الام اسكتى اسكتى انتى شيطان شيطان
ولاء طيب وطى صوتك ههه للناس تسمعنا هنتفضح كده
الام اڼهارت وقعدت ع الأرض وحطت أيدها ع خدها واتكسرت تماما
وولاء مش ساكته وابتدت تكمل شافت ايه فاليوم المشؤم وقالت
عارفه اليوم ده انا شوفتك بعينى فى حضن عمى وحتى بابا اليوم اللى قدر يتحرك فيه وكان مبسوط مسك ايدى وقالى تعالى نفرح ماما انى بقيت كويس
كان نفسى اقولوا بلاش بلاش يا بابا دى متستهلكش ومشيت معاه لحد اوضه نومنا عارفه يعنى ايه اوضه نوم ولادك وتعملى فيها كده واول لما فتحت الباب بابا شافك وقع من طوله وماټ اتيتمنا بسببك وبعد دفنه بابا كأن القدر بيقولى شوفى كل حاجه سمعتك بتتوسلى لعمى وكان بيعيط ويقول إنه ندمان وأنه السبب فى مۏت اخوه بس ده
ميمنعش أنه ۏسخ وطبعا انتى اتجننتى وشوفتك بتبوسى رجله وعاوزاه بس هو رفض قال ايه زعلان ع اخوه وهو ۏسخ بس عارفه يا ماما هو زهق منك مش زعلان ع اخوه وانتى فهمتى وكنتى هتموتى عليه وبعد مۏت بابا بخمس شهور عمتى طلبت من عمى الۏسخ يتجوزك وهو رفض
بحجه أنه عاوز واحده مش متجوزه حتى مش عاوز يعمل خير فى عيال اخوه اللى خرب بيتهم علشان ۏسخ وزهق منك وانتى الكلام وصلك واتجننتى وجالك حاله اكتئاب فاكره يا ماما لما بعتينى اشترى سم للفيران وخلتيه عندنا مكنتش اعرف انك هتستخدميه لقتل عمى ..
الام اسكتى هه اسكتى انا بمۏت يا كسره قلبى انتى شيطان يا ولاء
ولاء انا بذرتك يا ماما اتعلمت منك
ولاء فضلت تتحرك فى اوضه النوم وتحكى وقالت . فجأه لاقيتك انتى وعمى بقيتوا زى الفل هههه المياه رجعت لمجاريها وبقى كل يوم عندنا وانتوا الاتنين ضحك وهزار والعلاقه بينكم رجعت زى الاول واكتر بس اللى اختلف فى سرير اخوه لحد ما جه اليوم إللى كنا فيه فى بيت جدتى وانتى حطيتى السم فى الطبق بتاعه وانا شوفتك بعينى ما هو سم الفيران اللى اشتريته وعمى مسك بطنه ومن عمله الاسود مماتش ع طول فضل يطلع فالروح قدام العيله كلها
ولما عمى الكبير شاله وراح بيه المستشفى قال هناك أنه هو اللى سم نفسه مع أنه متأكد أن انتى اللى عملتى كده لما عرفتى انه هيتجوز بس يلا اهو سابك تعيشى تربينا يمكن الۏسخ حب يتوب بس ده زانى فالڼار انا ابويا اللى يستاهل الجنه هو اللى اتخان منكم لله واليوم ده عمى الكبير رجع وقال خبر وفاه عمى الۏسخ وساب محفظته والميدالية بتاعته ع الترابيزه وانتى خدتيها وكل يوم كنتى بتعيطى عليه مش على ابويا علشان انتى شبهه وطبعا فرحتى علشان قال إنه سم نفسه قال ايه حزين ع اخوه اللى هو كان سبب مۏته
الام خلاص عاوزاه ايه منى يا ولاء عاوزه تحبسى امك
ولاء لاء يا ماما عاوزاكى تسبينى انا ومحمد فى حالنا انا عاوزاه مش هسيبه وهيتجوز دعاء ويلا بقى قومى علشان دعاء اتصلت كذا مره وانا الصبح هكون موجوده جمب اختى ما هى مش اعز من بابا
الام قامت مكسوره ومشيت زى ما ولاء طلبت
خضعت لبنتها وفضلت تكلم نفسها طول الطريق وتقول انا غلطانه مكنتش اعرف انها شافت كده وهتفتكر كل ده وقبل ما تروح البيت بصت للسماء وقالت يارب انا غلطت انا زانيه وهو ضحك عليه يارب اعمل ايه سامحنى يارب دبرنى انا تعبت انا عشت ع ولادى وحاولت انسى يارب ده عقابى ده انا نسيت بس عقابى طلع كبير اوى بس دعاء مش هتتجوز محمد ولو فيها مووت ولاء
وفى صباح اليوم التالى دعاء قامت فرحانه وولاء بكل خباثه جت تزغرط لأختها وشالت فستانها وراحت ع الكوافير والام فى حيره هتعمل ايه ولما الساعه دقت 8 العريس وصل الكوافير وولاء بكل خباثه والغيره فى عينها قابلته وسلمت دعاء لى وفى وسط فرحه الموجودين والعروسه
وولاء والعريس ركبوا العربيه واتجهوا ع القاعه لحضور مراسم الزفاف واول ما دخلوا القاعه ولاء لاحظت أن أمها مش موجوده والكل بيسأل ع الام ....
واول ما ولاء والعروسه والعريس دخلوا القاعه وابتدت الزفه ومراسم الزفاف والكل مبسوط وولاء لاحظت أن أمها مش موجوده والكل بيسأل ع الام وبياركوا لولاء بدل امها لأنها اخت العروسه الكبيره ودعاء العروسه سألت ولاء هى فين ماما المفروض تكوون فى استقبالى
ولاء معرفش يمكن مشغوله هنا ولا هنا اه ممكن تكون جايه مع أولاد عمى وبنات خالتى ما انتى عارفه الشقه امبارح كانت مليانه
دعاء اوف الصوت عالى مش سامعه حاجه مشغوله فين !
ولاء حبيبتى خليكى فى ليلتك يا قمر انتى قمر اوى اللهم بارك
دعاء ماما انا قلقانه عليها اوى
ودعاء قالت لمحمد يتصل برقم مامتها بس محمد رفض بحجه الصوت عالى ومش هيسمع
دعاء أخرج بره القاعه المهم تكلم امى انت فاهم عايزه اطمن عليها انا قلقانه وخاېفه لايكون جرالها حاجه وفعلا محمد خرج بره القاعه واتصل ومش بترد ع الفون ودخل قال لدعاء انها مش بترد
دعاء بنات عمى وبنات خالتى وعيله بابا وماما وكلهم موجودين فى حاجه غلط فين ماما راحت فيين انا قلبى مقبوض لا لا اكيد ماما كويسه احمد اخويا اهو
وجريت دعاء ع احمد اخوها وسألته وقالها ماما من بعد ما مشيتى وهى كانت بټعيط وده أمر طبيعى علشان انتى هتسيبى البيت وكانت كويسه
دعاء بس هى فييين
احمد هه بتقولى ايه
دعاء ماما فيين
احمد معرفش انا سبتها وجيت مع اصحابى
دعاء اتصل بيها مالك بارد كده
احمد حاضر حاضر
دعاء اتفضل أن شالله تروح البيت تشوفها
ولاء يلا يا عروسه قومى ارقصى
دعاء ارقص بقولك ماما مش موجوده انتى ايه قلبك حجر
ولاء تلاقيها هنا ولا هنا قومى بس خلاص برحتك تعالى يا محمد ارقصك
ولاء فضلت ترقص هى ومحمد خطيب اختها ومع اصحابهم
محمد قال لولاء مالك حلوه كده انتى زى القمر
دعاء فى حاجه غريبه بتحصل حتى المأذون مش موجود فى حاجه غلط المفروض اول ما ندخل نكتب وبعدين الفرح يبتدى لالا لا لا فى حاجه
وجريت ع عمها وقالت عمى هو مفيش مأذون فالقاعه دى ولا ايه ياريت تسأل
وفعلا عمها راح سأل المسؤل عن القاعه والتفاصيل وازاى المأذون مش موجود
ودعاء فى دنيا تانيه بتفكر فى امها راحت فين وجرالها ايه
وأحمد اخوها بيرقص مع أصحابه
أما ولاء ومحمد بيرقصوا ومحدش عارف حاجه عنهم أنهم خاينين واوساخ
والام مفقوده ومحدش عارف راحت فين وعدت ساعه والفرح شغال والدنيا تمام مع الكل إلا دعاء وعمها اللى عرف من مسؤل القاعه أن أمها هى اللى طلبت تأخير كتب الكتاب بحجه هتجيب مأذون العيله
العم دعاء امك عملت مصېبه وقايله لمسؤل القاعه أنها هتأخر كتب الكتاب وهتجيب مأذون العيله
دعاء مأذون العيله هههههههه عمو هو مأذون عيله
العم انا استغربت اكيد فى حاجه انا مش فاهم حاجه
دعاء انا خاېفه على ماما اوى ولازم نتحرك حتى احمد البارد اتصل بيها مردتش ولا سأل
العم انا هروح اشوفها وان شاء الله خير كله خير
دعاء يارب يارب
وعم دعاء اتحرك وراح البيت يشوف مرات اخوه فين ولما راح ملقاش حد موجود وسأل عليها الجيران اخر مره شافوها كانت امتى بس جارتهم قالت إنها كانت مرهقه وبتعيط علشان فراق دعاء
العم اومال هتكون راحت فين كده الليله هتبوظ عموما انا لازم اتصرف انا عمها ولازم البنت تتدخل النهارده وبعد ما اطمن عليها هشوف مرات اخويا راحت فييين وفعلا العم اتحرك وطبعا هو عارف ان مفيش مأذون فالقاعه اتصل بواحد صاحبه وشاف مأذون وخدوا وراح القاعه ومازالت الام مفقوده
واول ما دخل القاعه ومعاه المأذون دعاء جريت عليه وقالت هى ماما جت الحمد لله
العم لا مجتش بس انا عمك مكان ابوكى جبت مأذون وهنكتب الكتاب ومټخافيش يا حبيبتى الليله مش هتبوظ
دعاء متبوظ ولا تتحرق فين امى انا مش هكتب من غير ماما
العم حبيبتى انتى بنتى اسمعى كلامى هنكتب وتروحى بيتك وبكره الصبح هتلاقى ماما اول حد يخبط ت باب شقتك
ولاء فى ايه
دعاء يا برودك امك مش لاقيناها
ولاء قالت
فى سرها احسن خلى الجوازه تتم
ولاء دعاء ماما كويسه هى بس تلاقيها مش عاوزه تودعك زعلانه عليكى ده انتى روحها دى بتحبك اكتر منى يلا يا حبيبتى ربنا يسعدك يلا يا محمد
العم المأذون جاهز يلا
وفعلا دعاء كانت قدام الأمر الواقع واستسلمت
والمأذون قعد واخوها احمد ومحمد العريس والعم وابتدت مراسم كتب الكتب وكل المعازيم واقفين والموسيقى سكتت والماذون ابتدى يكتب وفجأه ولاء مسكت بطنها واترمت ع الأرض ودم خرج من فمها وبقت تصوت بأعلى صوت من الألم وقالت ااااااااه ااااااه بموووووت الحقونى ....
ولاء اترمت على الأرض ومسكت بطنها وبقت تصوت بأعلى صوتها اااه ااااه الحقونى بموووت والدم خارج من فمها وفضلت تقول بطنى بتتقطع وقام محمد العريس يجرى وساب دعاء واترمى على الأرض فى حضن ولاء وجاله شبهه اڼهيار وقال حبيبتى مالك قومى وبعلو صوتوا قال اسعااااف اسعااااف والكل وقف مذهول ودعاء قالت انت بتقول ايه هه ايه اللى بتقولوا لولاء ده هو فى ايه بالظبط ومسكت محمد من چاكت البدله وقالت انت بتقول ايه يا خاېن انت عارف ولاء دى بالنسبه ليه ايه اختى اللى مليش غيرها يا خاېن وقعدت ع الارض وولاء بطنها بتتقطع وقالت انتى يا ولاء تخونى اختك ده انا مليش غيرك يا شيخه
ولاء قالت بصوت ضعيف انا بمۏت ماما ماما الحمدلله انى شوفتك
دعاء بصت وراها وقامت وقالت ماما ماما كنتى فيين الحقينا يا ماما شوفتى ولاء عملت فيه ايه
الام قعدت ع الارض وخدت ولاء فى حضنها وقالت بنتى بنتى اوعى تموتى يا بنت عمرى كلك حاجه هتتصلح بس عيشى وقالت اسعااااف
ولاء قالت وهى بتطلع اخر أنفاسها قالت ماما انا اللى سميت نفسى لأنى متسهلش اعيش وسطكم انتوا انضف منى بكتير ومسكت ايد امها وقالت لدعاء وامها سامحونى وماټت ولاء والأم ودعاء بقوا يصوتوا والأسعاف وصلت وخدت چثه ولاء وطبعا ولاء قبل ما ټموت قالت إنها سممت نفسها
كده مفيش قضيه من الأساس المفروض النيابه هتقول المجنى عليها موتت نفسها يبقى الام بريئه ومفيش اى حد مشكوك فيه
والفرح اتفض ومحمد مشى مڼهار وساب دعاء خالص
والأم ودعاء واحمد اخوها فالنيابه واعمامها مستنين امر بډفن الچثه إنما وكيل النيابه حول الچثه للطب الشرعى علشان يثبت الحاله ويطلع امر بالډفن إنما تجرى الرياح بما لا تشتهي السفن وحصلت الكارثه اثبت الطب الشرعى ان المجنى عليها اللى كان فى جسمها سم مزمن يعنى فى جسمها من فتره لحد ما قضى عليها مفعوله بطيئ
وأمر وكيل النيابه بډفن الچثه وحبس محمد لأنه شك فيه علشان كان على علاقه بيها
وادفنت ولاء ملعونه من أهلها
وابتدت التحقيقات وبسؤال محمد
وكيل النيابه انتى كنت ع علاقه بيها
محمد اه بس مقتلتهاش والله مقتلتهاش هى قالت قبل ما ټموت قدام الكل انها سممت نفسها
وكيل النيابه اه بس الطب الشرعى اثبت ان السم مزمن فى جسمها من فتره لحد ما قضى عليها واكيد طبعا لو كانت سممت نفسها كانت هتاخد اى سم وټموت مش ع فترات اعترف يا محمد قټلتها ليه اختلفوا ولا حبيت تتخلص منها علشان تجوز اختها وطبعا بكده تعيش فى سلام
محمد لا لا بس فى حاجه هى كانت ع خلاف مع مامتها كبير
وكيل النيابه مامتها طيب انت عندك فاكره عن الخلاف ده
محمد هى اتهمت امها انها خاينه بس مش فاكر حاجه تانى وانا مقتلتهاش
وكيل النيابه أمر بحضور الام واستجوابها
فى بيت العيله الام قعده هى ودعاء مش مبطلين عياط وبياخدوا عزاء ولاء ووصل للأم امر من وكيل النيابه انها طلباها للشهاده
الام انا النيابه طلبانى ليه هو انا ھموت بنتى
دعاء ماما اكيد فى حاجه تانى
وفى صباح اليوم التالى الام راحت ع النيابه
وابتدت التحقيقات معاها
وكيل النيابه اتفضلى اقعدى يا امى
الام قعدت وقالت شكرا خير حضرتك طلبتنى هو انتوا عرفتوا مين اللى سمم بنتى
وكيل النيابه وعرفتى ازاى
الام مش حضرتك قولت ان هى كان فى جسمها سم مزمن وبكده هى اټقتلت بالسم وبقت چريمه قتل
وكيل النيابه ايوه ممكن تحكلنا على مشكلتك مع القټيله بنتك ولاء قبل ما ټموت
الام مشكله ايه
وكيل النيابه امر باستدعاء محمد خطيب دعاء وبمواجته مع الأم قال إن ولاء قالت إن امها خاينه
الام دى مسائل عائليه بس مش هقتل بنتى دى بنت عمرى
وكيل النيابه للأسف أمرنا بحبسك 4ايام ع ذمه التحقيق
الام انا مقتلتش بنتى ياريت تراعى انى حزينه ومكسوره ع بنتى
وبعد ما خرجت الام ع الحبس دعاء عرفت ان امها اتحبست واڼهارت وبعد تفتيش شقه محمد واستجوابه خرج بكفاله مؤقتا
دعاء اتصلت بمحامى علشان يحضر النيابه ويحاول يخرج امها وفعلا المحامى التمس عذر لوكيل النيابه لكبر سنها وحزنها ع بنتها ومفيش إثبات عليها وحتى كلام محمد مفيش عليه اى دليل وخرجت الام بكفاله ع ذمه القضيه
ودعاء فرحت ان امها خرجت بكفاله وقالت اكيد هتاخدى براءه يا ماما وخصوصا
مفيش دليل
ودعاء اخدت مامتها وخرجوا من النيابه بس الأم كانت مضايقه وقالت تعالى يا دعاء عاوزه أزور اختك وحشتنى
دعاء بجد بعد اللى عملته فينا فعلا انتى ام عظيمه واترمت فى حضنها
الام سامحى اختك يا حبيبتى
دعاء لا مش مسمحاها ضيعت مستقبلى دى خاينه يا ماما
الام مش هتيجى معايا قبر اختك
دعاء حاضر يا ماما هى وحشتنى انا كمان
الام عارفه اكيد هتسمعنا ما هما بيسمعونا
دعاء هما مين
الام الغالين الأموات يا حبيبتى تعالى ندعلها بالرحمه
وفعلا الام خدت دعاء وراحت ع قبر ولاء واول ما دخلوا الترب لاقوا باب تربتهم مفتوح بس الأم استغربت وقالت ايه ده هى الترب بتاعتنا مين اللى فتحها وفين الحارس بس استغربت ومسكت دعاء من ايدها ودخلت وشافت حاجه غريبه وقالت.....
الام استغربت علشان لاقت الترب مفتوحه والحارس مش موجود وخدت دعاء ودخلت واول لما دخلت شافت حاجه غريبه لاقت نادر جوز ولاء قاعد وبيتكلم ع قبر ولاء ودعاء قالت ايه ده هو نادر جه امتى وعرف ازاى ده حتى يا ماما ملحقناش نبلغه بس امها شاورت وقالت لها اسكتى علشان اسمع بيقول ايه وهى ودعاء وقفوا يسمعوا كلام نادر لولاء وكان نادر بيقول خلاص يا ولاء موتى بس انتى اللى عملتى فيه كده وخلتينى اسافر وانتى اللى خلتينى اعاملك اسوء معامله من اللى حصل منك والله يا ولاء ده كان ڠصب عنى ڠصب عنى
الام هو عمل ايه يبقى هو اللى قتل بنتى بالسم اه اكيد ما هى كانت عنده من شهرين والطب الشرعى قال انه سم مزمن وبقالوا فتره فى جسمها
دعاء معرفش بس كلامه بيقول كده بقولك يا ماما مش لازم يشوفنا ويعرف اننا سمعناه
الام انا لازم اتهمه پقتل بنت عمرى
دعاء الحقى ده بيقرب مننا شكله شافنا
الام ما يشوف
نادر اول ما شاف حماته اترمى فى حضنها وفضل يعيط ويقول ولاء ماټت يا ماما ولاء ماټت
الام ربنا يصبرنا يا ابنى هو انت عرفت منين
نادر احمد قالى يا ماما
الام قالت فى سرها احمد امم يارب ميكونش قاله ع المصېبه اللى عملتها فى اختها
الام اه اتصل بيك
نادر اه وكلمنى فيديو كول وكان مڼهار انا عرفت ان حصل حاجه بس متصورتش لحظه ان ولاء تمووت لان حصل حاجه بالليل
الام حصل ايه ابوس ايدك قولى
نادر طيب تعالوا نقعد فى اى كافيه يا نروح البيت ونتكلم براحتنا
دعاء عندك حق بس معلش انا عاوزه اروح المس قبر اختى واترحم عليها قبل ما نمشى خليكم مش هتأخر
وفعلا دعاء راحت ع قبر اختها والأم ونادر جوز ولاء واقفين بيتكلموا
دعاء وقفت عند قبر اختها ولمسته بأيدها وقالت نامى بس مش هترتاحى علشان احنا مش مرتاحين يا ولاء وعمرى ما هسمحك ضيعتى حياتى ومستقبلى حتى الإنسان الوحيد اللى حبيته كرهنى بسببك وفرحتى واحلى ليله فالعمر ضاعت وطارت يمكن ماما تسامحك إنما أنا لا لا لا عمرى ما هسامحك روحى ڠضب من ربنا عليكى
وفجأه دعاء سمعت صوت غريب بيقولها هههههههههه انا مموتش وطول ما انا موجوده مش هتشوفى يوم حلو
دعاء فضلت تصوت وصوتها بقى عالى وهى بتقول ولاء ده صووت ولاء وبقت تنهج ووقعت ع الارض
الام ونادر وحارس المقبره طلعوا يجرى عليها والأم قالت دعاء مالك يا بنتى فيكى ايه ونادر وشه بان عليه الذعر وقال مالك فى ايه وقال الحقى يا ماما دعاء مش قادره تتنفس
الام دعاء ردى يا بنتى مالك
دعاء سمعتها يا ماما
الام هى مين بنتى
دعاء محدش هيصدقنى ولاء ولاء اه اه انا مش قادره اتنفس مياه مياه عاوزه مياه
وفعلا حارس المقبره جرى ع اوضته وجاب مياه لدعاء
بس دعاء تعبانه مش قادره تتنفس
نادر هات المياه دى وقال لدعاء اشربى وابتدى يشرب دعاء
ومسك ايد دعاء ودعاء قامت وقفت وابتدت تسند طولها
نادر اهدى كده واحكلنا حصل ايه
دعاء بتكلم وبتنهج وقالت محصلش حاجه كنت بكلم ولاء وفجأه سمعت صوتها وقالت انا موجوده
نادر يا شيخه قلقتينى دى هواجس وتهيأت المقاپر تلاقيكى كنتى خاېفه
دعاء هواجس وبقت تترعش وقالت جايز
الام بقولك يا ابنى
حارس المقاپر انا أبوإسماعيل يا حجه
الام طيب يا ابو اسماعيل خلى بالك من الترب ياريت يعنى وخد الفلوس دى وعاوزاك تحط صبار وورد وتسقيهم كل يوم ع روح المرحومه وان شاء الله احنا كل أسبوع هنكون هنا
بس بقولك انت كنت فين انا جيت ملقتكش
حارس المقاپر البيه قالى اسيبه لوحده دخلت اوضتى عملت كوبايه شاى وريحت لحد ما يخلص
والأم خدت دعاء ونادر ومشيوا ع البيت بس دعاء مكانتش ع ما يراااام وكانت تعبانه خالص
ونادر سبهم وراح شقته وهو عارف تماما ان الام هتتهمه پقتل ولاء
الام راحت ع النيابه وبلغت وكيل النيابه بالكلام اللى سمعته
وفعلا وكيل النيابه مكدبش خبر وأمر باستجواب نادر واتهام الام لى پقتل ولاء بس نادر مكانش خاېف وفعلا نادر راح ع النيابه ووكيل النيابه ابتدى يحقق معاه
وكيل النيابه
اسمك وسنك وشغلك
نادر أسمى نادر عبدالفتاح الزين سنى 35 سنه بشتغل شيف بس من اول الجواز وانا بشتغل بره جالى عقد عمل كويس وفعلا وسافرت
وكيل النيابه حماتك السيده تحيه عبد الغنى بتتهمك پقتل بنتها وزوجتك ولاء
نادر طبعا محصلش انا مسافر وهى كانت بتجيلى كل فتره كده علشان تقعد معايا
وكيل النيابه استدعى الام علشان تواجهه نادر بأقوالها وبسؤالها قالت يا نادر انا سمعتك ع قبر بنتى بتقول انها متزعلش منك فى اللى عملته ومعاملتك ليها ومن كلامك فهمت انك كنت بتعاملها اسوء معامله مع انى عمرها ما اشتكت منك
نادر انا مكنتش حابب اتكلم بس مضطر لآخر مره يا ماما انا مش عاوز أخوض فى عرض انسانه مېته
الام بصت باستغراب وقالت لا معلش قول
نادر حاضر بس انتى اللى هتخلبنى اتكلم وانا مضطر وقال يوم جوازى ع ولاء يوم ډخلتنا بالتحديد المفروض انى اكون اسعد زوج ولما حصلت بينا العلاقه الزوجيه ولاء مكنتش عذراء
الام لا لا لااااااا بنتى لا لاااااا
نادر مكانتش عذراء
الام بنتى انت كداب كداب وبدأت تصرخ وذهلت من كلام نادر
نادر انا مش كداب وهوريكوا الدليل.....
وفى نفس الوقت دعاء فالبيت مړعوبه من اللى سمعته فالترب وكانت نايمه وفجأه قلقت ع نفس الصوت ههههههه انا مموتش وقامت مړعوبه وجريت ع الحمام تغسل وشها وقالت يمكن بتحلم او هواجس التفكير وبصت فى مرايا الحمام لاقت وشها كله دم...
وفى النيابه نادر طلع الدليل الإثبات ع ولاء انها ليست عذارء والأم مذهوله وقالت ايه ده معقووول.....
ونادر طلع الدليل والأم مزهوله وفتح الفون وقال للأم عارفه يا ماما ولاء اللى طلبت كده والأم رددت عليه بحرقه وقالت ولاء طلبت ايه انا مش فاهمه حاجه ووكيل النيابه قال لنادر اتفضل عاوز اشوف الدليل راح نادر فضل يقلب الفون وشغل فيديو والأم شافت ولاء واڼهارت وقالت وحشتينى يا بنتى
ووكيل النيابه انا عارف انك تعبانه وعاوزه حق بنتك بس علشان اجيب حقها لازم نسمع بتقول ايه
واول ما الفيديو اشتغل ولاء ظهرت ونادر قاعد معاها فى الاوضه وقالت انا ولاء بحبك اوى يا نادر الفيديو ده اعتراف منى بجميل نادر عليه انه ع الاققل ستر عرضى ومفضحنيش قدام أهلى وامى بعتذرلك يا نادر انا عارفه انك فعلا راجل وانا نكدت عليك بس بجد اسفه انا اضحك عليه بأسم الحب بجد بعتذر
نادر قال بسخريه ههههه سترت عرضك بتضحكى عليه بكلمتين لا وانتى سترتيه يا فاجره بتخونينى وانا مسافر ومع خطيب اختك
وكيل النيابه وده دليل! وايه اللى خلاها تعمل الفيديو ده
نادر هى طلبت منى اخر مره كانت عندى ولما سألتها قالت إنها حاسه بالذنب اصل حضرتك ولاء كانت شخصيه قويه تحب تتحكم فى اللى قدامها وتمشى كلمتها عليه وڠصب عنها طبعها كان بيظهر فجأه وانا كنت بضايق وكنت بجد غبى معاها انا عصبى وهى كمان فطلبت منى انها تعمل الفيديو ده ولو يوم من الايام ضايقتها يكون اعتراف منها ودليل عليها
وكيل النيابه ولاء دى غريبه والقضيه غريبه لو سمحت يا امى ياريت متعيطيش
نادر حضرتك علشان كده كنت بعاملها وحش وبغباء ده اللى قولتوا عند الترب وطبعا دعاء وحماتى سمعوه هما افتكروا انى قټلتها إنما كنت بتكلم ع معاملتى ليها ولو كنت اعرف انها بتخونى مع خطيب اختها كنت بإيدى قټلتها دى فاجره تستحق القتل ومكنتش هخاف انى اقول انا سامحتها لما غلطت باسم الحب إنما كمان بتخونى بعد اللى عملته فيه عمرى ما هسامحها
وكيل النيابه راح بص للأم بحسره وقالها للأسف مفيش دليل ع نادر
الام خلاص حق بنتى راح ومسكت نادر وقالت ارجوك يا ابنى مش عاوزه فضايح
وكيل النيابه امر لنادر يمشى
والأم ونادر خرجوا مع بعض ونادر قال للأم يا ماما انا عارف انه صعب عليكى بس ولاء مكانتش مزبوطه من يوم متجوزنا لحد ما سافرت غير تليفونات معرفش عنها حاجه وغير وغير
الام انت عرفت منين موضوع محمد
نادر بعد ما سابتكم وروحت ع شقتى عم ولاء كلمنى وكان فاكر انى اعرف وقالى مش عاوزين حاجة ولاء احنا ملناش حق وحقك علينا احنا وحكى ع كل اللى حصل
الام ياااانى انا تعبت وقالت فى سرها مين اللى قتل بنتى
وتليفون الام رن وكان احمد ابنها وقالها تعالى بسرعه دعاء تعبانه ولما نادر سمع جرى معاها ع البيت
واول ما دخلوا الشقه لاقت دعاء نايمه ع الارض بتترعش وتقول فى دم ع وشى ولاء عايشه وقالت إنها مماتتش وهتعذبنى
نادر ع فكره حاله دعاء سيئه جدا
دعاء قامت واقفت وقالت ونبى ونبى نادر بص فى وشى كده غرقان دم صح ماما ماما وشى غرقان دم
نادر مفيش دم ولا حاجه يا بنتى هواجس
الام ايه اللى جرالنا موووت وخړاب ديار يارب كفايه عقاپ يارب
دعاء اترمت فى حضن امها وقالت هموووت ولاء هتموتنى دم والله دم وسدت ودانها وقالت
الصوووت الصوووت سامعين صوتها
نادر لازم دكتور ضرورى وفعلا نادر اتصل بالدكتور والدكتور وصل وكشف ع دعاء وقال حاله نفسيه واداها مهدئات وقال لو حالتها ساءت هتقلب بهستريه ولازم مستشفى تتحجز فيها
والدكتور مشى ودعاء نامت والأم قالت لنادر انا اسفه يا ابنى متزعلش من ولاء من قلب أم مكسور وحزين ع بنتها بطلب منك تسامحها احنا مش عاوزين حاجه وربنا يديك بنت الحلال بس نادر قال انتوا مالكوش ذنب واستأذن ومشى
وكيل النيابه بيحقق وبيدرس القضيه وقال ومسك ملف القضيه
وقااال فى حلقه مفقوده نادر مقتلش محمد مقتلش وارد تكون الام بس ليه ټقتلها واختها متعرفش حاجه وايه اللى خلى ولاء تقول قبل ما ټموت انها سممت نفسها مع ان السم كان فى جسمها انا تعبت بس فى حاجه مهمه كنت ناسيها ودى اللى هعرف منها مكان القاټل
الام فالبيت قاعده جمب دعاء ودعاء نايمه تعبانه بټموت من الهواجس وسخنه وبتترعش والأم قالت لما اققوم اشوف هدوم تلبسها وتغير بدل عرق السخونيه ده وفعلا الام قامت تفتح دولاب دعاء علشان تجبلها هدوم لاقيته مقفول بالمفتاح
وقال ياااه هى لسه فيها العاده دى يا ترى فين المفتاح وقالت اكيد فى شنطتها وفتحت الشنطه ولاقت المفتاح وفتحت الدولاب وهى بطلع هدووم لدعاء قالت هى بتحب البناطيل وطلعت بنطلون ترننج وقالت انا كده عاوزه تى شيرت من فوق وجت تطلع التيشرت لاقت حاجه وقالت يالهوى دى مصېبه معقووول وطبت وقعه ع الارض
الام اول ما فتحت الدولاب تجيب تيشرت لدعاء شافت ازازه السم وقالت مصېبه ومصدقتش نفسها ان دعاء تقتل ووقعت ع الارض وطبت ساكته ودعاء بتهلوث وسخنه بهواجس اختها ولاء وفاللحظه دى اوبااا
وكيل النيابه طب ومعاه امر بتفتيش الشقه وفضل يرزع فالباب واحمد مش موجود من وقت اخته ما اټقتلت وجو البيت مش عجبه كئيب فسافر وطبعا الأم واقعه ع الارض وفى ايدها ازازه السم ودعاء نايمه بتهلوث بس الأم قامت اټفزعت من صوت الباب وفى ايدها ازازه السم وفتحت
الباب لاقت وكيل النيابه فى وشها واول ما شافها قالها ايه اللى فى ايدك ده ومسك من ايدها ازازه السم وقالها ده السم ده اللى قتلتى بيه ولاء عموما محدش بيهرب من العداله والأم واقفه مذهوله وقلبها قلب زى اى ام فقدت بنت ومش عاوزه تفقد التانيه وقالت فى سرها هقول دعاء قټلت اختها لا لا وكيل النيابه قالها لا ايه
الام انا اللى قټلتها
وكيل النيابه امر بالقبض عليها والتحقيقات كلها اثبتت ان الام هى القاتله وكمان الاعتراف سيد الادله وهى اعترفت ووكيل النيابه امر بحپسها ع ذمه القضيه 4 ايام مع التجديد
ودعاء فى دنيا تانيه بتهلوث وتعبانه نفسيا وعلشان امها مش جمبها حالتها ساءت وعمها جاب دكتور يشوفها بس الدكتور كتب لها حجز فى مصحه نفسيه لحد ما تهدى وتفوق وترجع لوعيها والأم محپوسه ووقفت فى قفص الاتهام وبقت حديث كل بيت ام قټلت بنتها بسم مزمن هان عليها تموتها بالبطيئ
يعنى لو عاشت النهارده مش هتعيش بكره والناس معذوره محدش عارف الحقيقه فين والعم راح فى زياره للأم واول ما قابلها كانت هزيله وضعفانه مش بتاكل خالص
العم احنا اتفضحنا خلاص
الام ابوس ايدك طمنى ع بنتى دعاء واحمد كويسين بخير محدش فيهم جه يزورنى ليه وحشونى
العم هههه أولادك وانتى عملتى حسابهم قتلتى بنتك وغير بنتك ڤضحتنا هى فعلا تستاهل القتل المهم دعاء فالمستشفى مش دريانه بحاجه واحمد من ساعه ما سافر وبعد حبسك كلمنى وقالى انه مستعر منكم كفايه ضيعتوا مستقبلوا ومش عاوز يعرف حاجه عنك انتى ضيعتى ولاد اخويا
الام قعدت ع الارض ټعيط وتقول انا السبب ضيعت ولادى ابوس ايدك دعاء واحمد فى عينك ولو اتعدمت قولها انى محبتش حد قدهم
بس عم الولاد مشى مستحملش منظرها صعبت عليه
الام يارب ده عقابك ليه رجع ضحكه دعاء ورجع احمد بيته انا هتعدم وهرتاح سامحنى يارب انا اللى عملت فى ولادى يوم ما خونت ابوهم وقټلت عمهم ولاء قلدتنى وعملت زى هى مش ذنبها حاجه ولاذنب دعاء وفضلت تأنب فى نفسها واخر كلام قالته قبل الجلسه قالت لنفسها دعاء قټلت ولاء ودعاء لازم تعيش انا ام وانا السبب انا اللى لازم اخرج من حياتهم
وبعد إثبات التهمه ع الام جت اللحظه الحاسمه القاضى أمر بأحاله أوراقها للمفتى ومكانش معاها حد فالجلسه من عيلتها كانت وحيده من غير عيله حتى اخوات جوزها استعروا منها وحتى أهلها وقبل تنفيذ الإعدام بأسبوع كانت كل يوم تلوم نفسها ومقتنعه تماما ان ده واجب عليها تنقذ دعاء وبقت تطلب من ربنا الرحمه والمغفره والتزمت بالصلاه ودعت دعوات لأولادها وكانت مڼهاره وراضيه بقضاء الله وقالت ده مش قضاء الله ده عملى الأسود ربنا مقالش اخون جوزى واقتل كمان فعلا كما تدين تدان وجه اليوم المحسوم وفتحوا
الزانزانه ع الام وخدوها لتنفيذ حكم الإعدام حتى من غير لقاء أهلها وولادها وقبل ما ټموت قالت انا جايلك يا ولاء وتم تنفيذ الإعدام وماټت الام
وابتدت دعوات الام تستجاب ودعاء ابتدت تفوق واول ما فاقت سألت ع احمد وامها بس عمها حكلها كل حاجه وطبعا اڼهارت ومصدقتش نفسها وحاولت ترجع احمد البيت وتلم شملهم من تانى واول ما كلمت أحمد قالها انا راجع خلاص اللى ڤضحونا ماتوا
دعاء أخرس دول الغالين
وفعلا احمد رجع البيت بس البيت من غير الام ميسواش ودعاء قالت الضحكه راحت الله يرحمك يا امى
احمد يرحم مين ده كانت ممكن تقتلنا زى ما قټلت ولاء
دعاء قولتلك أخرس امك قټلت ولاء علشانى علشانى وفضلت ټعيط
ودعاء قالت لازم اعرف اخر ايام لماما كانت ازاى وازى هان عليك تسبها لوحدها وازاى البوليس عرف انها قټلت انا لازم اعرف كل حاجه عاوزه اعرف امى تعبت ازاى وعانت ازاى ياريتنى كنت مكانك فداكى روحى
احمد بسيطه اسألى عمك كان متابع
دعاء قامت اتصلت بعمها وطلبت منه يزورهم فالبيت وفعلا العم مكدبش خبر وكان عندهم وفى نفس الوقت نادر جوز ولاء جه يزور دعاء
دعاء قابلت نادر وعمها وكانت مش مزبوطه تعبانه وبتحلم بأمها كتير
دعاء قالت لعمها هى ماما اتعرف ازاى انها قټلت ولاء
نادر بعد قطع كلامك انا اسف انى موقفتش جمبها أهلى قاطعونى وحلفوا عليه
دعاء وانت مش خاېف دلوقتى ممكن تمشى لو حابب اللى ميعرفناش فالشده منعرفهوش خالص
العم براحه مش كده الراجل ضيف
دعاء حاضر معلش بس عاوزه اعرف التفاصيل....
وطبعا دعاء متعرفش ان امها عرفت انها قاتله ولاقت ازازه السم فى دولابها
العم كلمى المحامى بس هيفيدك ايه
دعاء دى امى عاوزه اعرف حصل ايه
نادر انا ممكن اجى معاكم المحامى وهتعرفى التفاصيل
دعاء ياريت يا نادر
العم التفاصيل كلها فالنيابه ونادر رد وقال انا اعرف وكيل النيابه اللى حقق مع مامتك ما هو نفسه اللى حقق معايا وكان انسان محترم وفعلا نادر اخد دعاء واحمد وعمهم وراحوا النيابه علشان يعرفوا تفاصيل القضيه
ونادر طلب يقابل وكيل النيابه وفعلا وكيل النيابه انسان محترم جدا وكان بيتعامل مع امهم احسن معامله ولما قعدوا واستفسرو ا وابتدى يحكى حصل ايه وقال انا روحت لحد بيتكم علشان افتش الشقه لاقيت فى ايدها ازازا سم
وكان لونها ابيض وخدناها حرز عليها ولما حللنا السم طلع نفس الماده السامه اللى سممت ولاء طبعا باعترافها القضيه كانت كامله ودعاء قالت ممكن اشوف ازازه السم دى
وكيل النيابه صعب
دعاء ارجوك
وكيل النيابه هحاول وخصوصا القضيه عدى عليها شهرين
دعاء بس اتحكم ع ماما ع طول وكان حتى مفيش نقض
وكيل النيابه طبعا يا انسه القواضى اللى زى دى مش بتاخد وقت فالحكم ومامتك كانت رافضه النقض
ووكيل النيابه وعد دعاء انه يجيب لها ازازه السم ودعاء ونادر واحمد استأذنوا ومشيوا
وبعد يومين دعاء واحمد عايشين حياتهم عادى ودعاء متعرفش ان امها شافت ازازه السم فى دولابها وانها قټلت اختها دعاء والأم ضحت بنفسها علشانها
والباب خبط ودعاء فتحت لاقت وكيل النيابه ومعاه نادر جوز ولاء
دعاء نادر اتفضلوا اتفضلوا
وكيل النيابه وكان اسمه ماهر وتقريبا كان معجب بدعاء واول ما دخل وقعد هو نادر فالصالون نادر قال وش كده لدعاء الاستاذ ماهر طالب ايدك لأنك انسانه محترمه وع خلق
دعاء ماما قټلت اختى مش هيضيقك ده أهلى تقريبا استعروا منا ده حتى محدش بيسأل علينا
ماهر انا طالب ايدك للجواز
دعاء ياريت تسبنى افكر مع انى تعبانه ومتلغبطه نفسيا هاخد هدنه وصدقنى مش هلاقى احسن منك
وماهر قال لدعاء كله نصيب ومستنى ردها وقام واستأذن وفجأه قال صحيح وحط ايده فى جيبه وقال ازازه السم اهى وكان احمد اخوها ونادر واقفين وقال مش هى بالظبط بس دى نفس الازازه زيها بالظبط احمد تنح وقال دى بتاعه محمد خطيب دعاء هى الازازه دى سم
وكيل النيابه بتاعه محمد خطيب دعاء
احمد اه قبل الجواز ويوم الحنه بالذات ادانى الازازه دى وكانت الدنيا زحمه وقالى ده هديه لدعاء حطها فى دولابها وهى هتفهم
وكيل النيابه ابتدى يشتغل كوكيل نيابه وقال لأحمد هه كمل
احمد قال دعاء كانت مشغوله فالحنه وقبلها نقلت عفشها وخدت هدومها وفرشت شقتها دعاء من طبعها بتقفل دولابها بالمفتاح وهى خدت هدومها كلها مفضلش غير هدومها القديمه اللى كانت بتلبسها فالبيت وكانت خلاص مش هممها الدولاب زى الأول انا دخلت اوضتها لاقيت المفتاح فالدولاب فتحت وحطيت الازازه فى هدومها بس معرفش انها سم هى كانت غريبه متغرقه برفان من بره حتى انا مهتمتش وقفلت الدولاب وسبتها ومعرفش حاجه من وقتها وحطيت مفتاح الدولاب فى شنطه الدعاء القديمه بس ده كل اللى حصل
وكيل النيابه ازاى متعرفش انها سم
احمد وانا هعرف منين ده هو ادانى الازازه فى عز الحنه والناس والدوشه وقالى هى كانت طلباها منه لأنها مش لاقياها وهو لما لاقاها اشتراها هديه ليها
وهى هتفرح اوى وانا مخدتش فى بالى يعنى ده المفروض حنته ع اخته وهيبقى جوزها اكيد ثقه وبعدين الدنيا كانت زحمه وأصحابى مستعجلنى علشان بنظبط ليله الحنه يعنى مشكتش فى حاجه ده طبيعى ع فكره
دعاء بتقول ايييييييه يعنى محمد هو كده اللى قتل لاء وماما ماما ماما راحت ظلم
وكيل النيابه يااه فعلا علشان كده لما جيت افتش الشقه الازازه كانت فى ايدها والاكيد انها لاقتاها فى دولابك وطبعا افتكرت انك قتلتى اختك وفديتك بروحها علشان مضيعش مستقبلك دى ام
دعاء ونادر واحمد فى ذهول ووكيل النيابه قال القضيه هتتفتح من تانى وهنواجهه محمد بكلام احمد وتهمته پقتل ولاء بس نادر قال محمد سافر وهاجر من وقت ما حماتى اعترفت هاجر كندا بلا راجعه
وكيل النيابه هنجيبه من مباحث الإنتربول متقلقش وبعد شهرين وطبعا القضيه اتفتحت ودعاء مستنيه الڤرج لحد ما جه اليوم المحسوم ومحمد اتقبض عليه ورجع بلده فى قضيه قتل اخت مراته وبالتحقيقات معاه قال ان ولاء قالت إنها حامل منه وهو رفض ده وغير كانت بتهدده تكون علاقته بيها بعد الجواز من اختها مستمره وابتدت تطلبه ع طول هو خاف ليتفضح بقى كل لما يقابلها يحطلها السم فالعصير او فالأكل وطبعا كان عارف ان دعاء هتعرف عاجلا او اجلا انها بتخون اختها فھتقتلها بنفسها وتاخد بتارها منها والسم مفعوله مزمن وفجأه قضى عليها ومن حظه قضى عليها يوم الفرح وسواء بعد الفرح المهم دعاء تتهم فيها وهو يطلع منها لانه قرف من ولاء وقال انه كان هيطلق دعاء
واتحكم عليه بالإعدام وظهرت براءه الام وطبعا محدش يعرف ان الام قټلت عمهم او خانت ابوهم غير ولاء ومحمد ميعرفش تفاصيل ودعاء واحمد فضلوا يتباهوا ان امهم أعظم ام واحن ام بعد أيام ماهر طلب ايد دعاء وهو فخور بدعاء وامها وطبعا ميعرفش حاجه عن امهم واتجوز دعاء وعاشوا فى سلام ونادر بقى يسأل عليهم لحد ماربنا رزقه ببنت الحلال واحمد خطب بنت عمه والأم ماټت علشان تنقذ دعاء وانتهت القصه يارب تكون عجبتكم استنوا الجديده ان شاء الله
امهاتنا قدوووه لينا ياريت كل ام تحافظ ع بناتها وياريت تتقى الله فى تربيتهم الأطفال زى الكمبيوتر بيخزنوا ياريت يخزنوا اللى يتقوا بيه ربنا ربنا يكرمكم ويبارك فى ولادك
من زرع حصد يارب يكون حصادكم خير
وكما تدين تدان ومن قتل ېقتل لو بعد حين ده كلام الله لينا
الام قټلت وكان لازم تاخد عقابها ان الله يمهل ولا يهمل
انتهت